گه‌رما و گه‌رم
هەینی, 22 ئاب 2014
سێكس لەدیدی هەرزەكارانەوە
سێ شەممە, 01 تشرینی دووەم 2011 19:08   

چەمكی سێكس لەلای هەزەكاران یەكێكە لە چەمكە هەرە ئاڵۆزەكان كەهەموو كۆمەڵگەی سەرقاڵ كردووە، لەبەر ئەوەی شیكردنەوەی چەمكی كەسێك لەكۆمەڵگەیەكەوە بۆ كۆمەڵگەیەكی تر لەسەردەمێكەوە بۆسەردەمێكی تر دەگۆڕدرێت، بەشێوەیەك دەبێت زۆرجار چەمكی هەرزەكاری و سێكس وەك زاراوەیەكی ئاسایی قبوڵكراوە، بەڵام لەهەندێك كۆمەڵگەدا رەفزدەكرێتەوە، ئەوەی گرنگە مامەڵەكردنی زانستیانەی دایك و باوكەكانە لەگەڵ هەرزەكارەكاندا، لەبەر ئەوەی قۆناغی هەرزەكاری یەكێكە لەقۆناغە هەرە گرنگ و هەستیارەكان لەژیانی مرۆڤدا.

ئا:نەدا حەداد

بێگومان سێكس لەقۆناغی هەرزەكاریدا زۆرترین كاریگەری لەسەر ژیانی ئادەمیزاد هەیە، بەشێوەك پێویستە دایك و باوكەكان زۆر بەوردی مامەڵە لەگەڵ منداڵەكانیان بكەن و بەشێوەیەك پێویستە هەموو دایك و باوكێك بەشێوەیەكی زانستیانە هەندێك لە وروژاندنە سێكسییەكان بۆ منداڵەكانیان روونبكەنەوە، لەبەرئەوەی نەبوونی رۆشنبیری سێكسی گەورەترین گرفت بۆ دایك و باوكەكان دروست دەكات، چونكە بەكارهێنانی توندوتیژی و سەركوتكردنی منداڵ كێشە بۆ كەسایەتی ئەو هەرزەكارە دروست دەكات، بەپێچەوانەوە بایەخدانی زیاد لەپێویست و ناز هەڵگرتینان بەرەو هەڵدێریان دەبات، چونكە لەزۆربەی كاتەكاندا بایەخدانی زیاد لەپێویست گرفت بۆ ژیانی هەرزەكارەكە دروست دەكات، لەمبارەیەوە هاژە كچێكی هەرزەكاری تەمەن چواردەساڵە، باس لەوە دەكات كە لەخێزانێكدا دەژی كەباوك و دایكی رۆشنبیرن و زیاد لەپێویست بایەخی پێدەدەن، دەڵێت (هەرچەندە باوك و دایكم زۆربایەخم پێدەدەن، بەڵام لەبەر ئەوەی باوكم سەرقاڵی كار و كاسبیە و دایكیشم فەرمانبەرە، هەتائێستا نەیان توانیوە ببنە هاوڕێی بەردەوامم).
زۆربەی هەرەزۆری شارەزایان و پسپۆران بە گرنگیەوە لە قۆناغی هەرزەكاری دەڕوانن، لەبەر ئەوەی كە قۆناغی هەرزەكاری گرنگی خۆی لەژیانی هەمووتاكەكاندا هەیە، لەبەر ئەوەی لەقۆناغی هەرزەكاریدا مرۆڤەكان دەیانەوێت حەزو ئارەزووەكانیان جێبەجێبكەن، چونكە لەڕووی بایلۆژیشەوە هەموو تواناكانی تاكەكان بۆهەست و نەستەكانیان دەجووڵێت، لەهەمووشیان گرنگتر ئارەزووە سێكسیەكانە كەبەتەواوی بەشێوەیەكی خێرا دەوروژێت، بۆیە پێویستە دایك و باوك نەهێڵن منداڵەكانیان هیچ كات لە ناخەوە هەست بە بۆشایی بكەن، چونكە لەكاتی وا هەوڵدەدەن ئەو بۆشیانە بە پێوەندی تر پڕ بكەنەوە. ئەو كچە دەشڵێت (بەهۆی سەرقاڵی دایك و باوكم بۆشاییەكی زۆر لەنێو ئەندامانی خێزانەكەماندا بووە هۆی ئەوەی پێوەندییەكی خۆشەویستی لەنێوان من و كوڕێكدا دروست بێ، ئێستا ئەو پێوەندییە خۆشەویستیە گۆڕاوە بۆتە پێوەندیەكی سێكسی، بەڵام ئێستا ئەو كوڕە بەڵێنی پێداوم كە ژیانی هاوسەرگیری پێكەوە دروستبكەین).
جوان كچێكی هەرزەكاری تەمەن پانزە ساڵانە، وەك باسی لێوەدەكات دایك و باوكی زیاد لەپێویست نازیان پێبەخشیوە و هەموو جۆرە پێویستیەكانی ژیانیان بۆ دابینكردووە، دەڵێت (نازهەڵگرتنم لەلایەن دایك و باوكمە بۆتەهۆی ئەوەی كە ببنە هاوڕێم و هیچ كێشەیەك لەژیانمدا دروست نەبێت)، هەروەها جوان ئاماژە بەوە دەدات كەئارەزووی خۆشەویستی دەكات، بەڵام ئارەزووەكانی بۆسەركەوتن لەخوێندندا بۆتە هۆی ئەوەی هەرگیز بیر لەخۆشەویستی نەكاتەوە، سەبارەت بە پێوەندییە سێكسیەكان لەنێو هەرزەكارەكان، جوانە دەڵێت (سێكس بەلای زۆر لە هەرزەكارەكانەوە خۆشە، بەڵام من خۆم زۆر لەسێكس دەترسم و نامەوێت هەرگیز بچمە ناو جیهانی سێكسی هەرزەكارانەوە و هەمیشە خۆم لەپێوەندی سێكسی هەرزەكاران دەپارێزم).
بۆ ژیانی هەرزەكاران لەناو كۆمەڵگەی ئێمەدا جوان دەڵێت (هەرزەكاران لە كۆمەڵگەی ئێمەدا بوونەتە قوربانی یەكەم، لەبەر ئەوەی كۆمەڵگە زۆڵمی زۆر لەئافرەتانی هەرزەكار دەكات، قەیرانی زۆریان بۆدروست دەكات و بەپێچەوانەوە ئازادی تەواوی بەخشیوە بە كوڕەكان).
توێژەرێكی كۆمەڵایەتی باس لە ئاڵوودەبوونی سێكس لەنێو هەرزەكاران دەكات و پێیوایە هەندێك لە هەرزەكاران سێكس بۆ پڕكردنەوەی ئەو بۆشاییە بەكاردەهێنن كە لەنێوان هەرزەكاران و دایك و باوكیاندا دروستبووە، دەڵێت (بەهۆی بێبەشكردنی بەشێكی زۆری هەرزەكاران لەخۆشەویستی دایك و باوكیان، هەرزەكارەكان بیر لەپێوەندییە سێكسیەكان دەكەنەوە).
سەبارەت بەخۆشەویستی هەرزەكاران، ناوبراو دەڵێت: خۆشەویستی هەرزەكاران كێشەی زۆرە، بەتایبەتی زۆربەیان روودەكەنە چیرۆكی خۆشەویستی، زۆربەی هەرە زۆری چیرۆكی خۆشەویستیەكانیش هەرەس دەهێنێت، لەئەنجامدا تووشی خەمۆكی و نامۆبوون دەبن).

ڕێکەوتبینراو
سه‌رجه‌م262
هەینی. 221
۱شەممە. 171
۱شەممە. 031
 

زیاتکردنی په‌یام


کۆدی دڵنیای
نوێکردنه‌وه‌

Sizar Music Kurdish Subtitle Latin